CHEGAN AS VACACIÓNS DE NADAL!

Aquí estades, os Reis e Raíñas da clase! Da gusto vervos, ensaiando a panxoliña baixo a dirección de Gisela! E que non se mova ninguén, eh!
Portádevos ben e que vos traian algunha cousiña os Reis Magos e o Apalpador vos apalpe a barrigola a ver se estades ben mantidiños!

CANCIÓNS

Aquí tedes unhas preciosas e divertidas cancións  da radio e televisión galegas para aprender a cantar. A ver se vos gustan tanto coma a min!
PICADE AQUÍ!

O PASO DO TEMPO

Para os que teñen dificultades par aprender ben os días da semana, meses do ano e estacións do ano, en castelán.
PICA AQUÍ!

ALIMENTACIÓN SAUDABLE

 ENTRA NESTE CARTEL EDUCATIVO PARA VER OS VÍDEOS. 
                                                     
Déixovos aquí un libro LIM para coñecer os alimentos. Con el aprenderemos a saber o tipo de nutrientes que nos aporta cada alimento. Asi que, veña, a practicar!  PICA AQUÍ!

QUEN É ERICH KÄSTNER?

Tanto Abel coma Íker querían saber quen era o autor deses poemas tan divertidos que estamos lendo na clase. Investigando, investigando, aí tedes a Erich Kästner! PICA AQUÍ!

COÑECEMOS A CARLOS FONTES

Ainara quixo saber como era Carlos Fontes, o autor de varios poemas que lemos na clase e que pertencen a un libriño titulado Poemas con piruleta.
Asi que Ainara e todos, aí tedes ao autor!
Para saber un pouquiño del preme.Aquí!

COÑECEMOS A ÁNXELES FERRER

Na clase estamos preparando a lectura  "Os señores meses", de Ánxeles Ferrer. Álex está interesado en saber cousas dela, para coñecela un pouquiño, así que aí a tedes!

Se premedes aquí, ademais de saber onde naceu e o que lle gustaba facer de pequena, veredes a portada dos libros que escribiu e que temos case todos na nosa biblioteca. Así que xa sabedes, a lelos!

Pica!

CONTOS PARA A IGUALDADE ENTRE NENOS E NENAS

Rosa Caramelo é a historia da elefanta Margarida, unha elefanta gris no medio de elefantas rosas.

Pica aquí para ver o conto!

Pica aquí para escoitar a canción!

PROXECTO AUGA: OS NENOS E NENAS DA CLASE QUEREN SABER…

-->

POR QUE A AUGA DO MAR É SALGADA?

O sal (cloruro sódico) vén da terra e das rochas. Durante millóns de anos os ríos foron arrastrando ese sal cara o mar.

A auga dos ríos ten moi pouco sal disolto, pero como todos os ríos van dar ao mar, xúntase todo o sal alí.
Pica aquí e coñecerás o mar Morto!Aquí!

MAÍS XOGOS DO CORPO HUMANO

Queredes aprender sobre o noso corpo xogando e coa axuda dun extraterrestre?
Pois pica. Aquí!

LEO LIONNI

Queriades coñecer a Leo Leonni? Pois aquí o tedes! O autor de Nadarin escribiu moitos contos. Algúns deles podédelos ler na biblioteca : PEQUENO AZUL E PEQUENO AMARELO  e FREDERICK.PICA AQUÍ PARA SABER DA SÚA VIDA!

ÓSOS E MÚSCULOS DO CORPO

APRENDER OS ÓSOS E OS MÚSCULOS DO NOSO CORPO XOGANDO!

 Aquí tedes dous xogos para aprender eses nomes tan raros que teñen os ósos e os músculos do corpo!
PICA AQUÍ! ósos e músculos

PICA AQUÍ!Para repasar ósos e músculos

ASÍ TRABALLAMOS NA NOSA CLASE

Así de ben traballamos ás veces, en silencio e concentrados, para facer as cousas ben e erguendo a man cando se precisa a axuda da profesora.

COMO PODEMOS COIDAR A NOSA SAÚDE?

 

ÍMOLO DESCUBRIR NESTE PEQUENO VÍDEO.

AS ETAPAS DA VIDA

 DE BEBÉ A AVÓ, ASÍ SOMOS NÓS!

POR FÓRA E POR DENTRO

QUE VEMOS NO NOSO CORPO POR FÓRA E POR DENTRO? 
Xogos para ósos, músculos, articulacións...

PICA AQUÍ

OS MÚSCULOS DO NOSO CORPO

Como por riba dos ósos están os músculos , imos aprender algo sobre eles neste libro LIM.
PICA AQUÍ! 

OS ÓSOS DO NOSO CORPO

Para aprender como se chaman os ósos do noso corpo tedes aquí un libro LIM,para aprender xogando.
PICA AQUÍ! 

UUUUUUH...! AI MAMAÍÑA QUE MEDO!

Está a chegar o tempo do Samaín, coas súas cabazas, coas súas caveiras, cos seus esqueletos, pero os rapaces e rapazas da nosa clase son os máis valentes de todo o colexio e de seguro que ningún se asusta con estas dúas curtas de medo que vos deixo aí. Espero que ningún ou ningunha se esconda debaixo da mesa!

E TAMÉN HAI UN LIBRO LIM PARA XOGAR!
PICA AQUÍ!

OS XOGOS DA VACA CONNIE

Aquí vos deixo os xogos da vaca Connie, para que o pasedes moi ben. Xa vedes que ten nome inglés. Sabedes como se chamaban as vacas que tiña eu cando era coma vós? Pois  tñan uns nomes moi bonitos, chamábanse  a Ghalleira, a Pichona, a Toura e a Linda.
PICA AQUÍ para oír contos, xogar a escribir palabras de animais e froitas, escribir letras e números, xogar ás diferenzas, facer crebacabezas...

CA CO CU QUE QUI

CA CO CU QUE QUI

COMO XA TRABALLAMOS  MOITO COAS SÍLABAS CA CO CU QUE QUI, AGORA PÓÑOVOS AQUÍ  UN LIBRO LIM CREADO POR MESTRES DOUTRO  COLEXIO PARA QUE PRACTIQUEDES UN POUQUIÑO MÁIS E DE PASO VOS DIVIRTADES.PICA AQUÍ!

COMO FUNCIONA O NOSO CORPO?

Aquí aprenderemos como funciona o aparello dixestivo, o aparello respiratorio, o aparello respiratorio...?

XOGAMOS A CLASIFICAR OS ANIMAIS!

Xoga a clasificar os animais, xa verás que divertido é!

PICA AQUÍ

UNHA PRESENTACIÓN PARA APRENDER A CLASIFICAR OS ANIMAIS

QUERES SABER COMO SE CLASIFICAN OS ANIMAIS?

Pica aquí!

QUEN CANTA A CANCIÓN DE AVOA GRILO?

É boliviana e chámase Luzmila Carpio. Ten outra canción que se chama Presagio de los pájaros, onde imita o canto dos paxaros. Escoita!

Espera un pouquiño pra poder ver os paxaros!

AVOA GRILO

CONTO Hai moito, moito tempo, a avoa dos Ayoreos era un grilo chamado Direjna. Ela era a dona da auga e onde ela estaba atopábase a chuvia. Un día os seus netos pedíronlle que se fora e ela marchou, triste. Foi entón cando empezaron os días de calor e sequedade. A avoa Grilo decidiu vivir no segundo ceo e dende alí envía a auga cada vez que alguén conta a súa historia.

O GRILO GRILEIRO

Xa que investigamos un pouquiño sobre a vida dos ratos e aprendemos cousas moi interesantes, imos investigar agora sobre a vida dos grilos. Non ían ser menos, ou que?
Pica aquí!

Aquí debaixo podes escoitar a canción O GRILO E A RA, cantada polo grupo galego FOL DO VENTO. A canción pertence ao disco titulado CANCIÓNS PARA ANTÍA. A cantar, rapaces e rapazas!
FAI CLIC AQUÍ!

QUERES COÑECER A ARNOLD LOBEL?

ARNOLD LOBEL naceu en Los Ángeles

(California, Estados Unidos), no ano 1933.
Pica aquí para saber máis!

HISTORIAS DE RATOS. A VIAXE.

Aquí tedes un conto de ratos  de Arnold Lobel, para que gocedes véndoo coas vosas mamás e papás!

Que vos parece se investigamos un pouquiño sobre a vida dos ratos?

                                              

                                             Pois pica aquí

                                             E tamén aquí!  

Podes ver este video sobre as aventuras dun rato de campo e un rato de cidade.

E tamén este outro  titulado Quen lle pon o axóuxere ao gato? baseado nunha antiga fábula.