Etiquetas

Mostrando entradas con la etiqueta PROXECTO: SOMOS AGRICULTORES. Mostrar todas las entradas
Mostrando entradas con la etiqueta PROXECTO: SOMOS AGRICULTORES. Mostrar todas las entradas

sábado, 3 de mayo de 2014

SAÍDA CULTURAL

Dentro do proxecto Somos agricultores, coidamos a terra, visitamos a empresa de envasados ecolóxicos Amorodo e a Fundación Galicia Verde, ambas situadas no concello de Forcarei.
En Amorodo, despois de percorrer as instalacións, déronnos a probar as saborosas marmeladas de amorodo e de cabaza.
Na fundación Galicia Verde poidemos observar as hortas onde cultivan as hortalizas a partir de sementes propias dde Galicia, as placas solares, os humidais que crearon a partir das augas residuais (as do váter, por exemplo), os invernadoiros subterráneos... Ademais, agasalláronnos cun amorodo a cada un para que o plantaramos na casa.


jueves, 1 de mayo de 2014

SEGUIMOS COA HORTIÑA

Arrincámoslle as herbas ruíns á nosa horta, facemos os letreiros e espetámolos no medio das hortalizas.

CONCURSO SOBRE AGRICULTURA FAMILIAR

Os nenos e nenas de primeiro ciclo participaron no concurso sobre a agricultura. Consistía en responder a doce preguntas relacionadas co proxecto da agricultura deste ano. Investigando, investigando contestámolas todas e así tivemos opción a entrar no sorteo dun libro por curso. Os graciados foron Hugo de primeiro e  Íker de segundo.


sábado, 22 de marzo de 2014

PRIMAVERA!

 O papá de Hugo preparounos as hortiñas para que foran máis accesibles á hora de traballar nelas e ademais tróuxonos terra boa e amorodos, cebolas e leitugas para transplantar. Así puidemos festexar a entrada da primavera coidando a nosa horta, ensaiando a lectura dos poemas das árbores e léndoos diante daquelas  as que estaban dedicados: a camelia, o magnolio, o castiñeiro, o loureiro real...


sábado, 15 de marzo de 2014

FACEMOS O PAN

O pasado mércores realizamos unha visita cultural ao museo etnográfico Casa do Patrón de Doade. Ademais de coñecer o proceso do liño, os oficios antigos e a maneira de vivir dos nosos avós e bisavós amasamos o pan! E que ben sabían as boliñas que fixemos!

lunes, 10 de febrero de 2014

RECURSOS PARA O PROXECTO DE BIBLIOTECA

Aquí están os recursos para atopar as contestacións ás preguntas do concurso "Somos agricultores, coidamos a terra"
ENTRA E BUSCA.

viernes, 7 de febrero de 2014

O CARRIÑO DE VÍCTOR

Estes días foi o papá de Víctor o que nos fixo un carriño. Este, ademais de ter eixo, estadullos, cabezalla e chavella, coma o carriño de Antía, ten canizas, para que non lle caia a carga e un xugo para enganchar o carro ás vacas! Agora xa só nos faltan as vacas para que o carro comece  a andar e a cantar!

miércoles, 29 de enero de 2014

O CARRIÑO DE ANTÍA

Este é o bonito carro que nos fixo o pai de Antía, cos seus estadullos, co seu eixo, coa súa cabezalla, coa súa chavella...!


miércoles, 22 de enero de 2014

ASÍ LEMOS!

Estes día, os nenos  e nenas de primeiro e segundo, preparamos a lectura do poema O carro de Manuel María e aquí están os resultados.

domingo, 12 de enero de 2014

MIRAMOS AS COLES E PLANTAMOS OS ALLOS E AS CEBOLAS

O venres pola tarde fomos ver como estaban as nosas coles e levamos unha alegría cando vimos o que medraran dende antes das vacacións de Nadal!
As nosas valentes coles resistiron os fríos das xeadas e os fortes ventos e abundantes chuvias de varios temporais!
De paso, plantamos os allos e as cebolas. Por riba da terra botámoslle borralla. 

jueves, 5 de diciembre de 2013

IMOS VER COMO MEDRAN AS COLES

Hoxe á tarde, despois de xantar, aproveitando a raeira de sol do outono fomos ver como andaban as nosas coles. A verdade é que, inda que pequeniñas, estaban moi bonitas, a pesares das xeadas destes días. Mesmo parecía que tamén elas gozaban coa raeira de sol.

sábado, 2 de noviembre de 2013

CARTEL

Entra neste cartel  e goza cos vídeos, fotografías, refráns, poemas  e cancións que atoparás nel relacionados co proxecto: SOMOS AGRICULTORES, COIDAMOS A TERRA.
ENTRA E GOZA.

viernes, 11 de octubre de 2013

PREPARANDO A HORTA

Como din Sapo e Sepo, a horta da moito traballo!  Hai que sachar e arrincar os torróns, hai que quitar as pedras, hai que facer un valado para protexer as hortalizas que sementaremos cando a Lúa sexa propicia...Pero cando as coles medren dará moito gusto comelas no caldiño que Marta, a cociñeira, nos cociñe!